JORGE MIRA: PRESENTACIÓN DO SEU NOVO LIBRO

O 10 de febreiro, por convite no noso veciño IES García Barbón, os alumnos/as de 3º e 4º ESO asistiron á conferencia do físico, investigador e divulgador científico Jorge Mira. Nela, entre outros temas, presentou o seu segundo libro "A que altura está o ceo?" publicado por Alvarellos Editora no 2016 (o primeiro, de gran divulgación, foi "A Ciencia no punto de Mira" publicado en 2011 por Editorial Auga). O autor do libro levounos a unha interesantísima viaxe pola curiosidade humana sobre o Universo, percorrendo dende a Grecia clásica ata as máis recentes teorías científicas sobre as consecuencias do Big Bang ou a materia escura (definida por Jorge Mira coma o descubrimento humano do milenio...!).
Entre outros moitísimos méritos, queremos destacar e felicitar a Jorge Mira por seguir a facer e divulgar a ciencia en galego.
Parabéns a Jorge Mira pola estupenda conferencia e polo libro, e grazas ao instituto García Barbón por convidarnos a asistir.

XUBILACIÓN DE XOSÉ MANUEL

En decembro do pasado 2016 comezou a desfrutar da súa merecida xubilación o noso compañeiro Xosé Manuel. Despois de máis de 40 anos nas aulas, compartindo moito máis que coñecementos con moitísimas xeracións de alumnos/as (algúns desos antigos/as alumnos/as hoxe teñen fillos/as que foron á súa vez alumnos/as de Xosé Manuel), desexámoslle agora moitos anos de satisfaccións. A "despedida" -só das aulas, que non do compañeiro e amigo- feita por iniciativa dos/as alumnos/as en decembro, foi tan emotiva como inesquecible. Todo o agradecemento mostrado polos seus alumnos/as é a mellor mostra dos froitos da súa adicación e bo facer ao longo de tantos anos. Desfruta moito da túa nova etapa Xosé Manuel PARABÉNS!!

 

 

BO NADAL E FELIZ 2017 !!

PREMIOS CONCURSO CONTRA A VIOLENCIA MACHISTA

Velaquí os carteis e frases premiadas no Concurso de "Tuits" contra a Violencia de Xénero. Noraboa de novo a tod@s @s participantes e dun xeito especial aos que fúchedes premiad@s. PARABÉNS!!

 

 (Enlace a todos os carteis)

CONTRA A VIOLENCIA MACHISTA

Dende o IES Castro de Baronceli quixemos e queremos sumarnos aos millóns de voces contra todo tipo de violencia, neste caso contra a violencia de xénero conmemorando o seu día internacional (25 de novembro).
Facéndonos eco no centro dun concurso que anualmente convoca o concello de Lalín a través da plataforma Twitter (#lalinsenviolencia), convocamos no noso centro un concurso de carteis con frases e debuxos alusivos á violencia de xénero (posibles "tuits" de non máis de 140 caracteres, algúns dos cales tamén participaron nese concurso a través de Twitter a nivel galego).

A través das titorías, pensamos e debatimos por que existe este grave problema e como podemos axudar entre tod@s e cada un de nós a solucionalo... (eso era realmente o importante e o obxectivo do concurso). En moitos casos, como resultado, elaboráchedes un vistosos e orixinais carteis... (aquí tedes un enlace para ver fotos con detalle de todos os carteis). PARABÉNS!!

 

GALICIENCIA 2016

En novembro deste 2016, no Parque Tecnolóxico de Ourense celebrouse, un ano máis, o GALICIENCIA 2016, no que alumn@s de máis de medio cento de centros educativos de toda Galicia -e algunhas outras rexións de España- expoñen os seus proxectos de investigación para multitude de grupos de alumn@s que se achegan.

O noso centro IES Castro de Baronceli participou dobremente, non só como visitantes cos nosos alumn@s de 4º, senón que ademáis dende a asignatura de Física-Química de 4º dous alumnos, Nerea e Raúl, xunto ca súa profesora Lurdes, expuxeron un orixinal proxecto investigador que evidenciou a presenza dunhas proteínas especiais en froitas como o a piña, a papaia e o kiwi (contan cunhas encimas chamadas proteasas que actúan de forma similar ás que segrega o noso estómago para cortar -e así dixerir- as proteínas).

 

 

Dende o ENDL non podemos máis que felicitar aos alumnos participantes e á súa profesora polo interesante traballo científico exposto, así como por promover a difusión da ciencia en galego. PARABÉNS!!

(Séguenos en Twitter: @CiencBaronceli e recibe éstas e outras novas relacionadas cas actividades de Ciencias que facemos no IES Castro de Baronceli)

MAGOSTO 2016

A tarde do luns 14 de novembro celebramos no IES Castro de Baronceli o noso tradicional magosto.

Os alumn@s de primeiro ciclo, dende as clases de Lingua Galega, elaboraron uns murais moi creativos sobre o magosto e o outono para ambientar os corredores do centro. Bo traballo!

 

(No seguinte enlace tedes todas as fotos dos murais)

Despois do xantar, xogos populares e competicións deportivas por cursos...

E, por susposto, castañas!!! O bo facer dos asadores acompañado dunhas pezas de música tradicional axudaron a desfrutar xuntos este momento.

(No seguinte enlace: moitas máis fotos do magosto 2016 no noso Baronceli)